پرون دوشنبه د صهيونيستي اسرائيلو لپاره خونړۍ تمامه شوه او د حماس اسلامي غورځنګ د پوځي څانګې القسام ځواکونو له لوري یې لسګونه پوځيان مړه او ټپيان شوي دي.
د صهيونيستي اسرائيلو دفاع وزارت د دې انځورونو په خپرولو سره خبر ورکړی چې پرون د غزې د رفح ښار په مرکز النجيلي سيمه کې د حماس غورځنګ د ځواکونو له لوري دا پنځه اسرائيلي عسکر وژل شوي دي.
خو له بل لوري الجزيرې خبري شبکې د حماس غورځنګ له قوله خبر ورکړی چې صهيونيستي رژيم خپل تلفات سانسوروي او په پروني بريد کې یې د اسرائیلو لسګونه عسکر وژلي او ټپيان کړي دي.
د يادونې وړ ده چې پرون د رفح ښار په مرکز کې د صهيونيستي پوځيانو يو مېشت ځای د حماس غورځنګ د القسام ځواکونو له لوري محاصره او تر بريد لاندې راغی چې پکې مېشتو ۲۵ اسرائيلي پوځيانو ته درانه تلفات اوښتي دي.