د ملي دفاع وزارت وايي، د بېلابېلو قطعاتو او جزوتامونو ۱۲۶تنه ځوان منسوبین د عبدالله بن مسعود رضي الله عنه د جگړهییزو قومندانۍ څخه فارغ شول.
له یاد وزارت څخه په خپره شوې خبرپاڼه کې ویل شوي، یادو منسوبینو د څلورو میاشتو په موده کې بېلابېلې مسلکي زدهکړې وي.: « تاسو د ظاهري اعداد له یوې برخې څخه فارغ شوي یاست، هڅه وکړئ په خپلو مسلکي برخو کې د عصر د غوښتونو سره سم نورې زدهکړې هم تر لاسه کړئ او خپل ځانونه په باطني اعداد سمبال کړئ، باطني اعداد د خپل نفس پر وړاندې شریعت او اسلامي نظام ته لومړیتوب ورکول دي.»
فارغ شوو منسوبینو وویل، چې د خپل سر او وینو په بدل کې به له اسلامي نظام او هېواد څخه ساتنه کوي.
د ملي دفاع وزارت د معلوماتو پر بنسټ، اوسمهال د کابل په گډون په ځینو ولایتونو کې زرگونه ځوانان په روزنځایونو کې په مسلکي زدهکړو بوخت دي، چې له فارغېدو وروسته به په بېلابېلو ولایتونو کې په دندو وگمارل شي.