د هرات ولایت مقام وایي، دې ولایت کې تولید شوې لس کانټینره بیټرۍ، چې نږدې ۴۰ زره امریکایي ډالر ارزښت لري، سعودي عربستان او متحده عربي اماراتو ته صادرې شوې.
سرچینې د صنعت او سوداګرۍ وزارت د مرستیال له قوله لیکلي، چې په تېرو څلورو کلونو کې د صنعت په برخه کې د پام وړ پرمختګونه شوي دي.
نوموړي له بهر مېشتو افغان پانګوالو غوښتي، چې هېواد ته راستانه شي، د صنعت په برخه کې پانګونه وکړي او د هېواد په اقتصادي وده کې ونډه واخلي.
ورته مهال د افغانستان د صنایعو او کانونو خونې مرستیال ویلي، چې دا مهال په هېواد کې د ۱۱۰ میلیون امریکایي ډالرو پانګونې سره د بیټرۍ تولیدي فابریکې فعالیت لري، چې په مجموع کې شاوخوا ۱۸۰۰ کسان پکې پر کار بوخت دي.