د نړیوالو رسنیو د راپورونو له مخې، د سوډان په لوېدیځ د دارفور ایالت کې توپچي بریدونو له امله لږ تر لږه ۱۸ کسان وژل شوي او تر ۱۰۰ زیات نور ټپیان شوي دي.
یاد برید د متحده عربي اماراتو له ملاتړ څخه د برخمنو چټک ملاتړ غبرګون ملېشو لخوا پر عامو خلکو شوی.
په سوډان کې وسلهوالې نښتې د ۲۰۲۳ کال د اپرېل له ۱۵مې راهیسې د عبدالفتاح البرهان تر مشرۍ لاندې د سوډاني پوځ او د محمد حمدان دقلو مشهور په حمیدتي تر مشرۍ لاندې د چټک ملاتړ غبرګون ملېشو ترمنځ روانې دي.
د راپورونو لهمخې، د دې جګړې له امله لسګونه زره کسان وژل شوي، میلیونونه نور بې ځایه او د دغه هېواد ډېری بنسټونه نړېدلي دي.
