کله چې دوهمه نړیواله جګړه پای ته ورسېده د بلې خونړۍ نړیوالې جګړې د مخنیوي په موخه د امریکا د ولسمشر روزولټ د وړاندیز په اساس د ملګرو ملتونو سازمان په 1945 م کال کې تاسیس شو.
دغه سازمان یوازې د امریکا او د شپږو لویو قدرتونو ګټې تضمین کړي نور یې د جګړې د مخنیوي په تړاو هیڅ اقدام نه دی کړی، خو ددې برسېره یې د امریکا، ناټو او غربي هیوادونو یرغلونو ته یې حقوقي بار جامه اغوستې.
په افغانستان یې د امریکا یرغل د دموکراسۍ د تحقق لپاره د ناټو جګړه یاده کړه حال دا چې د امریکا د وخت ولسمشر وویل چې دا د صلیب جګړه ده، موږ به د صلیبي جنګ لپاره خپلو متحدینو سره اوږه په اوږه په افغانستان کې جګړه مخ ته وړو.
له هغې وروسته یې په عراق د امریکا جنګ ته مشروعیت ورکړ او په عراق یې تور پورې کړ چې نوموړي کیمیاوي او بیولوژیکي وسلې تولید کړي چې دا وسلې د نړۍ امنیت ته ګواښ پېښوي.
حال دا چې د امریکا له یرغل وروسته او د صدام حسین له اعدام وروسته داسې لاسوند په لاس ورنغی چې دا ثابته کړي چې په عراق کې دې ګویا بیولوژیکي وسلې شتون ولري.
وروسته لیبیا په نښه کړه او هلته یې معمر القزافي وواژه د لیبیا تیل او نفت یې استعمار کړل، خو د ملګرو ملتونو سکوت مات نه شو او امریکا ته یې ونه ویل چې تا څه خوړلي چې هضمولی یې نه شې.
هماغه پرېکړه 1947 کال کې شوې چې په ترڅ کې یې فلسطین د خود مختاره دولت په توګه په رسمیت پېژندل شوې او ځمکې به یې له اسرائیلو بیرته فلسطین ته مصادره کېږي؛ د ملګرو ملتونو سازمان دا پرېکړه تطبیق نه شو کړای.
دا چې تطبیق نه شوه د دې څخه علاوه یې د اسرائیلو له لوري یې په فلسطین او فلسطینیانو هیڅ بربریت ونه غانده، خو برعکس کله چې حزب الله یا حماس اسرائیل پسې اخیستی، دوی دستي اضطراري ناستې بللي او اسرائیل یې له محاصرې او ماتې بچ کړی.
کله چې اسلامي هېوادونه لکه مصر، اردن او عراق د فلسطین په ننګ له اسرائیلو سره جګړې ته را پرېوتي، نو ملګرو ملتونو د سولې موضوع رامخ ته کړې، مسلمانان یې خام طمع کړي او اسرائیل یې ترې ژغورلی.
نن د ملګرو ملتونو د سازمان په مقر کې د سعودي عربستان د بهرنیو چارو وزیر د دې سازمان په کفایتۍ غږېدلی او ویلي دي چې په دې سازمان کې اصلاحاتو ته شدیده اړتیا ده، یو سازمان چې په دومره لویوالي او قوت د فلسطین عادي موضوع نه شي حل کولی باید تجدید نظر پرې وشي.
دا لومړی ځل دی چې د هیواد مسلمان سیاستوال او وزیر د دې سازمان په مقر کې د دې سازمان په بې کفایتۍ غږېږي.
ملګري ملتونه رښتیا هم یو ثالث بالخیر ادرس نه دی، بلکې په اسلامي او غیر اسلامي هیوادونو کې د امریکا، ناټو او د غرب یرغلونو ته د حجت دلایل لټوي.
د شمالي کوریا دفاعي ځواک باندې نیوکې کوي، له امریکا پرته چې هر هېواد بالستیک یا اټومي توغندي جوړوي، تحریمونه پرې وضع کوي.
روسیه که د خپلو ګټو په موخه یوکراین ځپي، د یوکراین په طرفداري غږېږي، یعنې هر ځای کې د امریکا او غربي ټلوالې ملاتړ کوي.
ددې سازمان دفتر په نیویارک کې هم د سوال وړ دی چې ولې په یو بل هیواد کې دا دفتر نه جوړېده چې د امریکا د حاکمیت تر سیوري لاندې جوړ شوی؟د ملګرو ملتونو د سازمان مصارفات ډېره لویه امریکایان تادیه کوي چې دا خپله د بحث وړ مسئله ده؛ دملګرو ملتونو سازمان د دریم ګړي ادرس په توګه نه، بلکې د امریکا د مامور په حیث په مسائلو کې دیدخله ده.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.