د روسیې د ټاس خبري اژانس د راپور له مخې د حماس غورځنګ د سياسي مرستيال موسی ابو مرزوق په مشرۍ يو لوړ پوړی پلاوی نن مسکو ته سفر کوي او ټاکل شوې له روسي چارواکو سره په غزه کې د بشري بحران په کمولو او يو شمېر نورو مهمو موضوعاتو خبرې وکړي.
ټاس خبري اژانس ليکي چې مسکو ته د حماس غورځنګ د ياد پلاوي د سفر يوه بله موخه په صهيونيستي رژيم فشار راوړل دي ترڅو د اوربند تړون او کړو ژمنو ته پابند پاتې شي.
د يادونې وړ ده چې د حماس غورځنګ يوه پلاوي تر دې وړاندې د ۲۰۲۴ کال په اکتوبر کې هم مسکو ته سفر کړی وو.