د هرات والي مولانا نوراحمد اسلام جار د ایران د بهرنيو چارو وزارت د اقتصادي مرستيال رسول مهاجر په مشرۍ له يوه پلاوي سره د دواړو هېوادونو ترمنځ د دوه اړخيزو همکاريو په ډېروالي خبرې کړې دي.
د ياد ولايت مقام د رسنيو دفتر وايي، په دې ليدنه کې د دواړو هېوادونو ترمنځ د سوداګريزو اړيکو د پراختيا په تړاو خبرې شوې دي.
د سرچينې په وينا د هرات سرپرست والي دغه راز د همکاریو پر ډېروالي، د سوداګریزو چارو د لا آسانتیا، د اورګاډي له پټلۍ څخه د لا ډېرې ګټې اخېستنې، د ترانسپورټي ستونزو حل او د کډوالو د ویزې ستونزو په هوارۍ ټینګار کړی دی.