الجزيرې راپور ورکړی، چې د هند تر کنټرول لاندې د کشمیر په مرکز سرينګر کې د پولیسو په یوه سټېشن کې د ضبط شويو چاودېدونکو موادو د چاودنې له امله لږ تر لږه اووه تنه وژل شوي او ۲۷ نور ټپیان دي.
سرچينه وايي، پېښه پرون جمعه د شپې ناوخته د ناوګام په نوم سیمه کې رامنځته شوې ده.
لومړني معلومات ښيي چې ډېری وژل شوي کسان پولیس او د عدلي طب کارکوونکي وو، چې د چاودنې پر مهال یې د ضبط شويو چاودېدونکو توکو معاینه کوله.
پوليسو د پنځو ټپیانو حالت د اندېښنې وړ بللی دی او امکان شته چې د مړو شمېر نور هم لوړ شي.
په ورته وخت کې د کشمير ځايي پوليسو دا پېښه «ترهګریز برید» نه دی بللی، بلکې یوه ناوړه تخنیکي پېښه یې ګڼلې ده.