د هند د بهرنیو چارو وزیر جيشنکر د محصلینو په یوه غونډه کې له افغان حکومت سره پر تعامل او د خپلو همکاریو پر دوام ټینګار کړی.
جيشنکر له خپل افغان سیال، مولوي امیر خان متقي سره د خپلې وروستۍ کتنې په اړه د یوه افغان محصل د پوښتنې په ځواب کې، دغه لیدنه مثبته بللې ده.
هغه ویلي چې هېواد یې دا مهال له افغانستان سره په پراختیایي، او روغتیايي برخو کې همکاري لري.
دا څرګندونې داسې مهال کېږي، چې په دې وروستیو کې د کابل او نوي ډیلي ترمنځ په اقتصادي، سیاسي او سوداګریزو برخو کې اړیکې په چټکۍ د پراختیا په حال کې دي.