نړيوالو رسنيو راپور ورکړی، چې یمن کې د ملګرو ملتونو د دفتر شل کارکوونکي د يمن د حوثي ځواکونو له خوا نیول شوي دي.
سرچينې وايي، په دې ډله کې پنځه یمنیان او ۱۵ نور یې د ملګرو ملتونو بهرني کارکوونکي دي.
حوثي ځواکونو د شنبې په ورځ د یمن په صنعا کې د ملګرو ملتونو د ځايي دفتر پر ودانۍ برید کړی دی.
له بل لوري بیا د فرانسې خبري اژانس د ملګرو ملتونو د یوه چارواکي له قوله چې د نوم له اخیستلو یې ډډه کړې، راپور ورکړی چې د یونیسف استازی پیټر هاکنز هم د نیول شویو کسانو په ډله کې دی.
حوثي ځواکونو بريد منلی او ويلي یې دي، چې د ملګرو ملتونو دې دفتر او کارکوونکو اسرائيل او امريکا ته جاسوسي کوله.