د ټولګټو وزارت ویاند محمد اشرف حق شناس خبر ورکړی چې د دې وزارت د وسپنيزې کرښې مرستيال مولوي محمد اسحاق صاحبزاده د ازبکستان هيواد په رسمي بلنه ياد هيواد ته د ريلي همکاريو د پراختيا په موخه سفر کړی.
د ښاغلي حق شناس په وینا، نوموړي د خپل رسمي سفر په لومړۍ ورځ د ازبکستان هېواد د اوسپنې پټلۍ ادارې له رئيس محترم نرزلوف زفرغیاسویچ او د يادې ادارې له مرستیال محترم حکمت اللّٰه رحمتوف او مل پلاوي سره کتلي.
ښاغلي حق شناس زیاتوي، په دغه کتنه کې د حيرتان-مزارشريف د اوسپنيزې کرښې له لارې د سوداګريزو انتقالاتو او صادراتو د زياتوالي او د دوه اړخيزو ريلي همکاريو د پراختيا په تړاو مفصل بحثونه ترسره شوي.