د پاکستاني طالبانو غورځنګ رسنیز ادرس، عمر میډیا د یوه ویډیویي کلېپ په خپرولو سره ویلي، چې د دې غورځنک ځواکونو یو پوځي جاسوس د خپلې محکمې د پرېکړې پر بنسټ هلاک کړی.
سرچینې زیاته کړې، چې هلاک شوی جاسوس، د کوهاټ په لاچي براغدي سیمه کې د یو شمېر پاکستاني طالبانو په بېهوشه کولو کې ښکېل و.
دغه جاسوس تر نیول کېدو او بشپړو څېړنو وروسته هلاک کړل شوی دی.
ورته مهال سرچینې په يوه بل خبر کې د رحم نواز په نوم د یوه بل جاسوس د هلاک کیدو خبر هم ورکړی دی.
سرچینې ویلي، چې دې جاسوس د پاکستاني طالبانو په ترور او دغه راز د دې غورځنګ پر ضد په پټو کړنو کې ښکېل و، چې تېره ورځ پرې د بنو ولسوالۍ په میریان سیمه کې هدفي برید وشو.
د پاکستان پوځي رژیم تر دې مهاله د دغو هلاک شویو جاسوسانو په اړه څه نهدي ویلي.