د کډوالو او بېرته راستنېدونکو چارو وزارت خبر ورکړی چې، د پاکستان له زندانونو ۱۰۱ تنه افغانان خوشې او تېره ورځ هېواد ته راستانه شوي دي.
د یاد وزارت په وینا، چې خوشې شوي کسان په پاکستان کې له ۲ تر ۵ ورځو بندیان وو، چې د نوم لیکنې او بشري مرستو ترلاسه کولو وروسته خپلو سیمو ته لېږدول شوي دي.
یاده دې وي چې، تر دې وړاندې د سرپرست حکومت په هڅو له بېلابېلو هېوادونو سلګونه افغانان آزاد او هېواد ته راستانه شوي دي.