د سرپرست حکومت د مشرتابه له لوري د پنجشېر ـ تخار نښلوونکي سړک لپاره ۲۷۰ میلیونه افغانۍ بودیجه منظور شوه.
د پنجشېر ولایت د اطلاعاتو او فرهنګ ریاست وايي، چې دغه سړک ۲۸ کیلو مټره اوږدوالی او پنځه متره سور لري، چې چارې به یې په نږدې راتلونکي کې پیل شي.
د دې سړک په جوړېدو سره به تخار، بدخشان، کندوز او نورې شمال شرقي سیمې په لنډه لاره له کابل سره ونښول شي او د بدخشان کابل ترمنځ د لارې کرایه به له ۴۰۰۰ افغانیو څخه ۱۰۰۰ افغانیو ته ټيټه شي.