د راپورونو له مخې پښتونخوا کې د بخت نواز په نوم د ځايي پوليسو يو مشر له خپل رسمي کارټ او وسلې سره د پاکستان له طالبانو سره يوځای شوی دی.
د پاکستان حکومت د ياد پوليس مشر شهرت له انځور سره چاپ کړی او ليکلي یې دي چې ياد پوليس مشر له طالبانو سره يوځای شوی پوستو او کمپونو ته د تګ اجازه مه ورکوئ.
ياده دې وي چې د پاکستان طالبان سږ کال د خپل ټول تاريخ په اوږدو کې له بل هر وخت پياوړي شوي او په پراخو بريدونو کې یې د پاکستان حکومت ته سخت ځاني او مالي زیانونه اړولي دي.