د پښتون ژغورنې غورځنګ مشر منظور پښتين ويلي، پاکستاني ترهګر استعمار د روژې په ٢٧مه کابل کې سلګونه بې ګناه وګړي په شهادت رسولي او ګڼ شمېر نور یې ټپيان کړي دي.
نوموړی زياتوي، چې د دې دردونکې پېښې پر ضد د خپل افغان ولس ترڅنګ ولاړ دی او د نړۍ هر ګوټ ته به د دې مظلومې وینې د غږ رسولو لپاره طرحه جوړوي.
هغه په پاکستاني علماوو غږ کړی، چې د کابل د ورانولو فتوا پر وخت دې لږ تر لږه د دې بېګناه وګړو او په روغتون کې د پرتو مریضانو له ټوټه ټوټه جسدونو څخه حیاء وکړي.
منظور پښتين په پای کې ويلي، چې په لر او بر کې د استعماري قوتونو او پروژو ظلمونه ورځ تر بلې زیاتیږي او په وينا یې په داسې وخت کې به ملي قیام ملت ته ډیره ګټه او دښمن ته به ډیر زیان واړوي.