د کار او ټولنیزو چارو وزارت وایي، د دې وزارت مرستیال مولوي محمد زاهد احمدزي د ملګرو ملتونو د کډوالو چارو ادارې (UNHCR) مشر عرفات جمال او د کډوالو نړیوال سازمان (IOM) مشرې ميیا پارک سره کتلي.
د یاد وزارت په وینا، ښاغلي احمدزي په دې کتنه کې ویلي، چې هېواد کې د بېکارۍ د کچې راټیټولو لپاره هڅه کوي او له یادو سازمانونو یې غوښتي، چې د کډوالو په اړه د ارقامو له خپرولو وړاندې دې د حکومتي ادارو له ارقامو سره پرتله شي.
بل پلو عرفات جمال د بېرته راستنېدونکو کډوالو د خدمت لپاره د سرپرست حکومت هڅې ستایلي او د نړیوالو سازمانونو له لوري یې په بېلا بېلو برخو کې له بېرته راستنېدونکو کډوالو سره د مرستې ډاډ ورکړی دی.
