د کانونو او پټرولیم وزارت مسئولینو د حکومتي ادارو د یو کلنو لاسته راوړنو د تشریح پروګرام کې ویلي، تېر کال په کوچني مقیاس د ۴۲ او په لوی مقایس د لسو کانونو تړونونه لاسلیک شوي دي.
د دې وزارت مسئولینو زیاته کړې، چې د پانګونې د جذب په هدف د ۳۷۸ معدني ساحو پیژندنه او څېړنه، په مختلفو کچو کې د ۴۰۰ تخصصي نقشو چمتو کول او د ۳۸۷۵ معدني نمونو تحلیل، په تېر کال کې د کانونو او پټرولیم وزارت له مهمو لاسته راوړنو څخه دي.
د دوی په خبره، په تېرو څلورو کلونو کې د ۱۰ میلیارده افغانیو په پانګونې سره، په ټولیز ډول د کوچني مقایس کانونو ۱۷۵ قراردادونه منظور شوي دي.
د یاد وزارت د مسئولینو په خبره په بدخشان او تخار ولایتونو کې د غیر قانوني زرشویۍ فعالیتونو مخنیوی شوی، چې له امله یې د شفافیت ترڅنګ، نږدې ۲۰ زرو کسانو ته په مستقیم او غیر مستقیم ډول د کار زمینه برابره شوې ده.