د کورنیو چارو وزارت خبر ورکړی چې د دغه وزارت لومړي مرستیال مولوي محمد نبي عمري په کابل کې د قطر دولت د سفارت له شارژدافیر ډاکټر مردف القاشوطي سره کتلي.
د یاد وزارت په وینا، په دې لیدنه کې دواړو لورو د افغانستان او قطر ترمنځ پر دوه اړخیزو اړیکو، د سیمهییزو امنیتي حالاتو، همداراز د ګډو همکاریو پر پراختیا خبرې کړې دي.
د کورنیو چار وزارت لومړي مرستیال له قطر څخه د افغانستان د خلکو سره په بېلابېلو برخو کې د شویو همکاریو مننه کړې او هیله یې څرګنده کړې چې دغه همکارۍ به لا پراخې شي.
بلخوا کابل کې د قطر د سفارت شارژدافیر ویلي، چې هېواد یې د افغانستان له امنیت او ثبات څخه ملاتړ کوي او زیاته کړې یې ده چې قطر چمتو دی له افغان لوري سره نورو اړوندو برخو کې هم همکاري وکړي.