د نړیوالو رسنیو د راپورونو لهمخې، د امریکا هوایي ځواکونو د یمن په صعده ښار کې د افریقایي توکمه غیر قانوني کډوالو پر یوه توقیف ځای درانه هوایي بریدونه کړي، چې له امله یې ۶۸ کسان وژل شوي او ۴۷ نور ټپیان دي.
تسنیم خبري اژانس د یمني رسنیو په حواله راپور ورکړی چې په دې توقیف ځای کې ۱۱۵ تنه بندیان وو چې ۶۸ یې په برید کې وژل شوي دي.
اخوا امریکایي هوایي ځواکونو د یمن په پلازمېنه صنعا کې هم برید کړی چې پرمهال یې د ښځو او ماشومانو په ګډون اته کسان وژل شوي دي.
د یادونې ده چې، امریکا په دې وروستیو کې د صهیونیستي اسرائیلو په ملاتړ د یمن پر ملکي او پوځي سیمو د هوایي بریدونو نوې لړۍ پیل کړې، چې پر مهال یې سلګونه عام یمني اتباع وژل شوي او ټپیان شوي دي.