د ملي دفاع وزارت وایي، د ۲۰۷ الفاروق قول اردو د دریمې لواء په ورکشاپ کې د تېرو لسو میاشتو په موده کې ۲۱۳ عرادې بېلابېل وسایط ترمیم او ګټې اخیستنې ته چمتو شول.
د یاد وزارت په وینا، په ترميم شویو وسايطو کې ۱۴۲عرادې رنجر، ۲۳عرادې انټرنشنل، ۳۸ زغروال هاموي ټانګونه او ۴ عرادې هاموي امبولانسونه شامل دي.
وزارت زیاتوي، دغه اقدام د ملي اسلامي اردو په کچه د وسایطو د ساتنې، ظرفیت لوړولو او د موجوده امکاناتو د مؤثرې استفادې د دوامدارو پروګرامونو یوه برخه ده.