د پنجشیر د اطلاعاتو او کلتور ریاست د ياد ولايت د کانونو او پټرولیم ریاست له قوله ویلي، چې د روان لمریز کال په لومړنیو شپږو میاشتو کې د یو میلیون، ۶۱۴ زره او ۵۷۰ ډالرو په ارزښت د دې ولایت ۳۵ زره او ۸۷۴.۳ قیراط زمرد پلورل شوي.
د يادونې وړ ده چې په تېر جمهوري حکومت کې د پنجشېر زمرد په غير قانوني ډول تر دې زیات استخراج، او عواید یې د زورواکو تر منځ وېشل کېدل، خو؛ واک ته د اسلامي امارت له رسېدو راوروسته د پنجشېر د زمردو استخراج کاملا قانوني شوی او ترې لاسته راغلې هره روپۍ مرکزي خزانې ته سپارل کېږي.