د سرحدونو، قومونو او قبایلو چارو وزارت وايي، چې د روزګان ځايي مسؤلینو، علماوو او قومي مشرانو په هڅو د دې ولایت په مرکز کې د یوې کورنۍ د څو غړو ترمنځ ۱۶ کلنه دښمني په دوستي بدله شوې.
یاد وزارت زیاتوي؛ د دې دښمنۍ له امله یو کس وژل شوی او ښکېلو لوریو ته ګڼ شمېر مالي زیانونه اوښتي دي.
دواړو لوریو، په خپله تېره دښمني پښېماني ښودلې او د سرپرست حکومت له مشرانو یې د مننې ترڅنګ ژمنه کړې، چې له دې وروسته به يو بل ته خنډونه نه جوړوي.