د روسیې ولسمشر ویلادیمیر پوتین او د هغه ایراني سیال مسعود پزشکیان پرون د ستراتیژیکو همکاریو ۲۰ کلن تړون لاسلیک کړ، چې د لویدیځو هېوادونو د بندیزونو سره په مبارزه کې د دغه هېوادونو اړیکې پیاوړې کوي.
د کرملین له خوا په خپره شوې اعلامیه کې راغلي، دواړو خواو موافقه وکړه چې د ګډو امنیتي ګواښونو پر وړاندې مبارزه کې به یو بل سره مرسته وکړي.
دوی دا هم منلې چې که دواړه لوري د تېري سره مخ شي، بل به د تېري کوونکي سره مرسته نه کوي.
د روسیې ولسمشر ویلادیمیر پوتین او د هغه ایراني سیال مسعود پزشکیان، چې په کریملین کې یې په ګډه دغه تړون لاسلیک کړ، دواړو دغه هوکړه د خپلو اړیکو د نوي فصل په توګه یاده کړه.