د افغانستان ستره محکمه د زابل ښاري محکمې درېیو تنو چې په غلا او لواطت تورن وو، په عام محضر کې تعزیري سزا ورکړې ده.
له سترې محکمې څخه په خپره شوې خبرپاڼه کې ویل شوي، د زابل ښاري محکمې د جزا دېوان لهخوا د يادو متهمینو له جملې يو متهم په (۸) میاشتې تنفیذي بند او (۲۰) دُرې تعزيري سزا، دويم متهم په (۱۰) میاشتې تنفیذي بند او (۲۰) دُرې تعزيري سزا او درېيم متهم په (۶) میاشتې تنفیذي بند او (۱۰) دُرې تعزيري سزا محکوم شوی و، چې ياده پرېکړه د سترې محکمې د عالي مقام له تایيد وروسته پر متهمینو پلې شوه.
د افغانستان ستره محکمه د هېواد په گوټ ـ گوټ کې هغو کسانو ته تعزیري سزا ورکوي، چې په بېلابېلو جرمونو تورن شوي وي.