د اوکراین ولسمشر ولادیمير زیلینسکي په یوه تلویزیوني مرکه کې د امریکا ولسمشر ډونالډ ټرمپ ته بلنه ورکړې چې د اوکراين جګړې د پای ته رسولو په اړه له روسیې سره د هر ډول معاملې تر مخه اوکراین ته يو ځل سفر وکړي.
زیلینسکي ويلي: «مهرباني وکړئ، له هر ډول پرېکړو تر مخه، د هر ډول خبرو اترو مخکې د ملکي وګړو، جنګیالیو، روغتونونو، کلیساګانو، ویجاړ شویو یا وژل شويو ماشومانو لیدو ته راشئ.»
دا مرکه په داسې حال کې نشرېږي چې روسي ځواکونو تېره ورځ د دغه هېواد پر سومي ښار توغندیز بریدونه کړي چې له امله یې څه باندې ۱۵۰ کسانو ته مرګژوبله اوښتې ده.