د اوکراین پارلمان تېره ورځ (سه شنبه) د یوې لایحې په تصویبولو سره د ولادیمیر زېلېنسکي پر مشروعیت ټینګار کړی او اعلان یې کړی، چې له روسیې سره د سولې تر تړون پورې به د ولسمشرۍ او پارلمان ټاکنې نه ترسره کیږي.
دغه لایحه په ۲۶۸ موافقو او ۱۲ غیر حاضرو رایو سره تصویب شوې ده.
دا په داسې حال کې ده چې د امریکا په ګډون ځینو لویدیځو چارواکو په اوکراین کې د انتخاباتو د ترسره کیدو غوښتنه کړې ده.
زېلېنسکي د «دیکتاتور» په توګه د انتقاد په ځواب کې ویلي، چې د جګړې پر مهال د ټاکنو ترسره کول ناشوني دي او د حکومت لومړیتوب باید د جګړې ختمول او سولې ته رسېدل وي.
نوموړي دا هم ویلي چې اوکراین له روسیې سره د سولې په خبرو کې د سیمو تبادلې ته چمتو دی او وړاندیز یې کړی چې د اوکراین تر کنټرول لاندې ځینې سیمې به روسیې ته وسپارل شي.
د اوکراین په پارلمان کې د یادې لایحې تصویب د جګړې پر مهال د زېلېنسکي مشرۍ لپاره کورنی ملاتړ ښیي.