د «اېګل آی» په نوم د پاکستان د استخباراتي ادارې رسنيز ادرس له پرون شپې راهیسې چې افغان ځواکونو پر پاکستان بريد وکړ ۹۰ سلنه دروغ او تحريف شوي نشرات ترسره کړي.
د ایاېسای دې رسنيز ادرس د يوې ويډيو په خپرولو سره ادعا کړې، چې پاکستاني حکومت د افغان ځواکونو پوسته په نښه کړې حال دا چې دا ويډيو د Erumaidan prees «يورو ميدان پرېس» په نوم د اوکراين هېواد رسمي او سترې رسنۍ ډېر وړاندې نشر کړې او د روسي پوځ د پرمختګ د مخنيوي خبر یې پکې ورکړی دی.
د پاکستان د استخباراتي ادارو له رسنيزو ادرسونو ورهاخوا د دې هېواد مشهورو نړيوالو رسنيو لکه «جيو نيوز»، «آېاروای نيوز» او نورو هم له بېګانۍ جګړې را وروسته په مسلسله توګه دروغو او تحريف شويو نشراتو ته ملا تړلې ده.
دا رسنۍ له مصنوغي ځيرکتيا په استفادې جوړ شوي انځورونه او ویډیوګانې نشروي او په بې شرمۍ ادعا کوي، چې له افغانستان سره جګړه کې یې د افغان ځواکونو پوستې نيولي او بيا یې پرې خپل بيرغ لګولی دی.
د پاکستان دې مشهورو رسنيو ته په سلګونه او زرګونه کمنټونو کې له عامو افغانانو ورهاخوا خپلو پاکستانيانو هم د طنز په ډول ليکلي، «چې افغانستان په ميدان جګړه؛ خو پاکستان په جيو نيوز کې.»
ياده دې وي، چې پاکستاني استخباراتي ادارې په لسګونه او ان سلګونه ميډيايي ادرسونه لري، چې ۲۴ ساعته په دروغو او ناسمو نشراتو بوختې دي.