د سوریې د رسنیو د راپورونو له مخې، سعودي عربستان او قطر په یوه ګډ بیان کې اعلان کړی چې د سوریې عامه سکتور کارکوونکو ته به د درې میاشتو لپاره معاشونه ورکوي، ترڅو د سوریې د اقتصاد بېرته راژوندی او د خلکو کړاوونه کم شي.
په بیان کې راغلي چې دا ملاتړ د سوریې له خلکو سره د ورورولۍ پر بنسټ دی او هدف یې په دغه هېواد کې اقتصادي او ټولنیز ثبات ته وده ورکول او د خلکو ژوند ښه کول دي.
دا دواړه هېوادونه ياد ګام داسې مهال اخلي چې څه موده وړاندې یې نړيوال بانک ته د سوریې پنځلس ميليونه ډالره پور هم پرې کړ.