د عرب نيوز رسنۍ د راپور له مخې، سعودي عربستان او قطر پرون يکشنبه په رسمي ډول اعلان وکړ چې په سوریې د نړيوال بانک شاوخوا ۱۵ میلیونه ډالره پاتې پور به پرې کړي.
د دواړو هېوادونو له لوري په اعلامیه کې راغلي «د سعودي عربستان او قطر دولت د مالیې وزارتونه په ګډه خپله ژمنتیا اعلانوي چې نړیوال بانک ته د سوریې پاتې شاوخوا ۱۵ میلیونه ډالره پور تصفیه کړي».
دا اعلامیه له هغې څو ورځې وروسته خپرېږي چې د سوریې د مرکزي بانک رئیس او د مالیې وزیر له ۲۰ کلونو وروسته د نړیوال وجهي صندوق (IMF) او نړیوال بانک په پسرلنیو غونډو کې ګډون وکړ.