د راپورونو له مخې، د سوماليا په پلازمېنه موګادیشو کې د دغه هېواد د ځانګړو ځواکونو او د القاعدې اسلامي غورځنګ د پوځي څانګې «حرکة الشباب المجاهدین» ځواکونو ترمنځ له تېرو دوو ورځو راهیسې درنه جګړه روانه ده.
راپورونه کاږي، چې په دغه جګړه کې څه باندې ۳۰ تنه سومالیایي پوځيان وژل شوي دي.
رسنۍ ليکي چې، حکومت د پلازمېنې موګادیشو څلورو خواوو کې خپلې پوځي لیکې پیاوړې کوي. ځکه اټکل کېږي چې الشباب د موګادیشو د محاصرې پلان لري.