د ننگرهار د کانال شرکت مسوولین وايي، په دغه ولایت کې د شاتو مچیو ۶۰۰ فارمونه شته، چې د سږنیو تولیداتو کچه یې ۶۰۰ ټنه اټکل کېږي.
د یاد شرکت له لوري په خپره شوې خبرپاڼه کې ویل شوي، پرو سږکال په ننگرهار کې د شاتو کلنی تولید ۵۰۰ ټنه وو؛ خو سږنی تولید یې د پرو سږکال په پرتله ۱۰۰ ټنه زیاتوالی ښيي.
د خبرپاڼې له مخې، په ننگرهار کې د نورو سیمو سربېره د ننگرهار کانال په څلور گونو فارمونو کې د شاتو مچیو د روزنې ته فرصتونه برابر شوي، چې د نورو ولایتونو د شاتو مچیو گڼ شمېر کاروبار کوونکي هم دلته راځي.: «د ننگرهار کانال د شاتو مچيو روزونکو لپاره څلوروېشت زره د بېرې ونې کېنولي، چې په راتلونکې کې به په دې ولايت کې د شاتو د توليد کچه لا پورته شي.»
په ننگرهار کې د پلوڅې، شینشوبي، بېرې او نور بېلابېل شات تولیدېږي، چې د هېواد کورنیو بازارونو سربېره بهرنیو هېوادونو ته هم لېږل کېږي.