د شر او فساد لارویان چې د شخصي ګټو په وړاندې نورې هیڅ راز ګټې ورته مهمې نه دي، د خپل منځي اختلافاتو له ډېرېدو سره یې د خیالي جبهاتو په منځ کې د تجزیې او سقوط لپاره کار پیل کړی او د یو او بل لپاره جاسوسي کوي.
د قاري عیسی په نوم د شر او فساد ازادۍ جبهې جاسوس د شر او فساد مقاومت جبهې د ډیری هغه داخلي افرادو لېستونه خپلې جبهې ته سپارلي، چې د دغه جبهې لپاره یې د هېواد په داخل کې فعالیت کاوه. نوموړي همدا راز د هغه ډیپوګانو په اړه هم معلومات خپلې اصلي جبهې ته لېږدولي، چې د هېواد په داخل کې یې د ناکامو تبلیغاتي بریدونو لپاره اکمال ترې کاوه.
شر او فساد ازآدۍ جبهې غوښتل د قاري عیسی له لارې د شر او فساد مقاومت جبهې د ضعف ټولو هغه نقأطو ته لاس رسی ولري، چې په قوي کولو سره یې د هېواد په داخل کې د هغوی حرکت له کامل سقوط سره مخ کېږي او پر ځای یې د شر او فساد ازآدۍ جبهه مطرح او د بهرنیو مرستو د جلب لپاره دلایل وتراشي.
د هندوکش غږ لخوا د عیسی محمدي او عبدالستار حسیني خپاره شوي کلیپونه په ډاګه کوي، چې عیسی محمدي له شاوخوا دوه نیم کالو راهیسې له شر او فساد ازآدۍ جبهې سره هم غړیتوب درلود، تر څو په ورته وخت کې د شر او فساد مقاومت جبهې د تجزیې لپاره کار وکړي، له هغوی ګیلمن افراد عبدالستار حسیني ته وښيي او د هغوی خیالي جبهې ته یې ور جذب کړي.
د نظامي او رواني جګړې په ډګر کې د خپلو رقیبانو او مخالفینو معلومات د هغوی د تضعیف لپاره خورا اړین وي، د همدې هدف لپاره قاري عیسی محمدي چې احمد مسعود ته یې ځان ډیر نږدې کس معرفي کاوه، په ورته وخت کې یاسین ضیاء او د هغه خیالي جبهې ته جاسوسي کول، د افرادو، دفترونو، منابعو او پټو لیدنو معلومات یې په منظم ډول له شر او فساد ازادۍ جبهې سره شریکول.
د شر او فساد لارویان تقریباً ټول هغه افراد دي، چې په تېرو لسیزو کې لوبېدلي دي، جاسوسي او د پیسو په بدل کې د معلوماتو پلورل د دغه شریرو عناصرو ځانګړي صفات ګرځېدلي دي، دوی نه اسلام او نه هم ملي ارزښتونو ته ژمن پاتې شوي، بلکې د شر او فساد له خیالي جبهو سره یې هم د پیسو او انلاین مقام په بدل کې معامله کړې ده.
له هېواد بهر ټولې جوړې شوې خيالي جبهې د خپل منځي رقابتونو، اختلافاتو، جاسوسۍ، د واک تندې، بهرني او داخلي ملاتړ د نه شتون له امله د سقوط په لور ګامونه اخلي. شر او فساد د وروستۍ ماتې او تجزیې شېبې تجربه کوي او افغانان یې د تل لپاره له شره په امان کېږي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.