د ازموینو ملي ادارې رئیس شیخ عبدالباقي حقاني نن پنجشنبه (کب ۳۰مه) کابل کې د نوي ښوونیز کال د پیل مراسمو کې ویلي، چې هېواد کې تېرو اشغالونو زموږ د هېواد د بچیانو ذهنونه اشغال کړي وو او تېرو حکومتونو داسې نظریې خپرې کړې وې چې نه د اسلام او نه د هېواد په ګټه وې.
ښاغلي حقاني د خبرو پر دوام ټینګار کړی چې، د پوهنې وزارت باید هڅه وکړي چې د هېواد د بچیانو ذهنیتونه په اسلامي او ملي روحیه وروزي.
د یادونې وړ ده، چې د نوي ۱۴۰۴ ښوونیز کال د پیل مراسم نن په کابل کې د سرپرست حکومت د لوړپوړو چاواکو په شتون کې ترسره شول.