د صنعت او سوداګرۍ وزارت ویلي، چې د ۱۴۰۲ کال په پرتله په تېر ۱۴۰۳ کال کې د افغانستان سوداګرۍ مثبت تغیرات درلودل، چې ورسره د خلکو د پېر او پلور کچه هم لوړه او د سوداګرۍ پروسه غوړېدلې.
یاد وزارت ویلي، په ۱۴۰۳ کال کې د افغانستان ټولیز صادرات ۱ میلیارد ۷۸۵ میلیونه ډالره او واردات بیا ۱۱.۱۶۴ میلیارد ډالرو ته رسېدلي.
د سرچينې په خبره تېر کال د افغانستان تر ټولو ډېر صادرات پاکستان، هند، متحده عربي اماراتو، ازبکستان، ایران، قزاقستان، چین، ترکیې، عراق او تاجکستان ته کړي، چې تر ډېره کرنیز محصولات په کې شامل دي.
د دې ترڅنګ افغاني غالۍ، سرب، قیمتي او نیمه قیمتي ډبرې هم په صادراتو کې شاملې دي، دغه راز نفتي توکي، اوړه، غنم، د نقلیه وسایطو پرزې، طبي بوټي، غوړي او وریجې هغه توکي دي چې وارداتو کې شامل دي.