د فلسطین نابلس ښار بیتا کلي کې د الجزیرې خبري شبکې یو شمېر خبریالان د عامو صهیونیستانو په برید کې ټپیان شوي دي.
د راپورونو له مخې، دې برید کې د فرانسې خبري اژانس یو انځورګر او یو شمېر فلسطیني بڼوال هم ټپیان شوي دي.
د فرانسې خبري اژانس انځورګر، جعفر اشتیه ویلي چې شاوخوا ۷۰ تنو صهیونیستانو پر خبریالانو برید وکړ، خو د صهیونیستي رژیم عسکرو غبرګون ونهښود.
اشتیه ویلي، دا یې په مسلکي ژوند کې تر ټولو ترخه تجربه وه او که تښتېدلی نه وای، نو وژل شوی به وو.
ویل شوي، خبریالان سیمه کې د فلسطیني کروندګرو د زیتونو پر باغونو د بریدونو پر مستند سازۍ بوخت وو، چې د اشغالګرو تر برید لاندې راغلل.