عبدالله عبدالله: په افغانستان کې د ملگرو ملتونو رول مهم دی

د مخکېني حکومت اجرائیه رئیس ډاکټر عبدالله عبدالله د یوناما له سیاسي مرستیال مارکس پوتزل او د سیاسي برخې له مسوول سکاټ سمېت سره لیدلي دي.د عبدالله عبدالله له دفتره په خپره شوې خبرپاڼه کې ویل شوي، تېر ماښام یې په خپل استوگنځي کې د یوناما له سیاسي مرستیال مارکس پوتزل او د سیاسي برخې له مسؤول سکاټ سمېت سره ولیدل.د خبرپاڼې له مخې، په دغه لیدنه کې عبدالله عبدالله په افغانستان کې د ملگرو ملتونو رول مهم بللی دی او له افغانستان سره یې د نورو مرستو غوښتنه کړې ده.په خبرپاڼه کې ویل شوي، د ملگرو ملتونو له لوري له افغانستان سره د بشري مرستو مننه کوي؛ خو دا مرستې باید دوامداره شي.په افغانستان کې د سختې وچکالۍ، د سلگونه زره کډوالو راتگ او نورو لاملونو له امله خلک له سخت حالت سره مخ دي. په افغانستان کې د ملگرو ملتونو اداره وايي، په افغانستان کې د مرستو لپاره ۷۶۰ مېلیونه ډالرو ته اړتیا لري، تر څو خلکو ته د خوړو، زده کړو او روغتیا په برخه کې لازمه مرسته وکړي.