د متحده عربي اماراتو دفاع وزارت د یوې اعلامیې په خپرولو سره ویلي، چې یمن کې یې خپل نظامي حضور پای ته رسولی.
ویل شوي، د اماراتو پوځي ځواکونه په ۲۰۱۹ کال کې له یمنه ایستل شوي وو او تر اوسه یوازې د «ترهګرۍ ضد ځانګړي ټیمونه» هلته پاتې وو، چې اوس یې د ایستلو پرېکړه شوې ده.
عربي متحده اماراتو ویلي، چې دغه پرېکړه یې د نویو ارزونو له مخې د خپلو ځواکونو د خوندیتوب په پار کړې ده.
دا په داسې حال کې ده، چې سعودي عربستان نن سهار متحده عربي اماراتو ته ۲۴ ساعته ضربالاجل وټاکه، څو خپل پوځیان له یمنه وباسي.