د افغانستان لپاره د متحده عربي اماراتو ځانګړي استازي سيف محمد خلفان د سرپرست حکومت له اداري مرستیال عبدالسلام حنفي سره په کتنه کې ویلي چې، هېواد یې له افغانستان سره د سوداګريزو اړيکو د پراختيا او پياوړتيا غوښتونکی دی.
نوموړي له ګاونډیو هېوادونو بیرته راستنېدونکو افغان کډوالو سره د همکاریو د زیاتېدو خبر هم ورکړی.
د ارګ د خبرپاڼې له مخې مولوي عبدالسلام حنفي ویلي، چې متحده عربي امارات له کلونو راهیسې له افغانستان سره ښې سوداګریزې، اقتصادي او سیاسي اړیکې لري او هیله یې څرګنده کړې، چې دا اړیکې به نورې پراخې او پیاوړې شي.