د پرځېدلي جمهوريت پر مهال د بلخ والي عطاء نور د افغانستان د مخالفو جبهو له لوري د ويانا غونډې او نورو کنفرانسونو پر مهال د جګړې شعارونو او پاڅون ته د خلکو رابللو ته په اشارې له يوې رسنۍ سره په مرکه کې وايي، څوک چې د جګړې غوښتنه کوي د افغانستان خلک قرباني کوي.
نوموړي د مخالفو جبهو د مشرانو مجازي ناستې ته په غبرګون کې ويلي: «یو شمېر درباري روشنفکران چې پر جګړه ټینګار کوي او خلک پاڅون ته هڅوي، ولې خپل زامن د جګړې ډګر ته نه لیږي!؟».
ياده دې وي چې د هرات امنيتي کنفرانس په نوم د پرځېدلي جمهوريت د ځينو څهرو له لوري د هسپانيا په مادرید کې شوې غونډه له ګڼ شمېر توندو غبرګونونو سره مخ شوې او ياده غونډه یې د هېواد د بربادۍ پلان جوړونه ګڼلې ده.