عطا محمد نور چې د شر او فساد مخکښ غړی دی او ځان د طالبانو ضد او مخالف ګڼي، ده هم په منفي تبلیغاتو لاس پورې کړی.
لنډغر عطا ویلي چې، ترهګري د سیمې لپاره سردردی دی، نوموړي ادعا کړې چې اوسمهال په افغانستان کې ترهګرو ته د ودې او پرمختګ زمینه مساعده شوې او مشري یې طالبان کوي.
ده دا خبرې د ترکیې په ټوساش هوايي او فضايي شرکت د برید په تړاو کړي او ویلي یې دي چې، په افغانستان کې شل ترهګریزې ډلې فعالیت لري او د دې برید تر شاه د طالبانو لاس دی.
عطا غواړي چې په دې بې بنسټه خبرو د ترکیې دولت ته ځان خواخوږی ښکاره کړي، د حقیقت پر ځای په دروغو سر دی، دا ډول ادعاوې به نورې هم د ده په زیان تمامې شي.
فکر کوم عطاء د نشې په حالت کې دا پیښه غندلې، ایسته ترې خبره ورانه شوې ده، طالبانو په بار، بار ویلي چې، ترهګرې ډلې په افغانستان کې نشته او نه دلته فعالیت کولی شي.
دې داړونکي انسان په تېر نړیدلي نظام کې هم لنډغري کوله، شخصي زندانونه یې جوړ کړي و، پښتنو ته به یې د ترهګرو خطاب کاوه، د ترور وسله والې ډلې یې درلودلې، په شمالي ولایتونو کې یې تخریبي کړنې ترسره کولې.
عطا ځان د شمالي ټلوالې امپراطورګڼه، هر هغه شخص به چې د ولس د خیر ښېګڼې لپاره کار کاوه، د ده په امر به په زندان کې واچول شو، وهل، ټکول او شکنجه کېده، حتی د ډېرو خلکو مړی او ژوندی به نادرکه شو؛ دا دسیسې به په شمال کې د پښتنو پر وړاندې ترسره کېدلې.
عطا چې د بلخ ولایت یو یاغي، لنډغر او زورواکی والي و، د ولایتي شوری یو وکیل د اصف مهمند په نامه چې اصلاً په خټه پښتون و، له ډیر پخوا راهیسې د بلخ ولایت هستوګن شوی و.
عطا، اصف مهمند په هیڅ صورت نه شو زغملی چې د پښتنو له قومه دې یو څوک په مزار کې وکیل و اوسي، همغه و چې له لفظي شخړې وروسته یې اصف مهمند له سختو وهلو او ټکولو په بې رحمانه ډول د ده د زوی له لوري په غاښونو غوږ پرې (وداړل) شو، بیا یې یوه ورځ په خپل شخصي زندان کې زنداني کړ، له دې وروسته یې جمهوري حکومت امنیت ته وسپاره چې د هغوی له خوا هم سخت شکنجه شو، دوه ورځې ورسره هلته په زندان کې و.
د اصف مهمند پر وړاندې دا کړنه ځکه ترسره شوه چې مهمند د بلخ په یاغي او لنډغر والي عطا باندې د فساد تورونه پورې کړي وو.
عطاء محمد نور په خپله فیسبوکپاڼه د اصف مومند د نیول کېدو د شېبې له یوه انځور خپرولو سره د پرځېدلي جمهوریت امنیت سلاکار حنیف اتمر او د همدې امنیت مشر معصوم ستانکزی د “دسیسې په جوړولو” تورن کړل.
عطا محمد نور د امنیت شوری سلاکار حنیف اتمر او د امنیت عمومي مشر معصوم ستانکزي ته اخطار ورکړ، چې له دسیسو ډکو داسې پروژو له طرحې لاس واخلئ، چې له نسبي امنیت برخمن بلخ ولایت نا آرامه کوم.
یعنې لنډغر لنډغر وي، که په هره جامه کې وي خپله لنډغري سر ته رسوي، له ضد او نقیض خبرو لاس نه اخلي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.