د ریاستالوزراء اداري مرستیال مولوي عبدالسلام حنفي فاریاب ولایت ته د سفر پر مهال د یاد ولایت په دولت اباد ولسوالۍ کې راستنېدونکو کډوالو ته هستوګنیز ځانګړی ښارګوټی پرانیستی.
ارګ په یوه خبرپاڼه کې ویلي چې، یاد ښارګوټی په ۴ زره جریبه ځمکه جوړېږي، چې د کډوالو لپاره ټول لازم امکانات به ولري.
ښاغلي حنفي د یاد ښارګوټي د پرانیستې پر مهال ویلي، د امنیت ټینګښت، ټولنیز ارامښت برابرول او د هېوادوالو په ځانګړي ډول کډوالو ستونزو ته رسېدنه د اسلامي امارت له اساسي دندو دي او دې برخه کې به هیڅ ډول هڅې ونه سپموي.
یاده دې وي چې، تر دې وړاندې ښاغلي حنفي د سرپل سیداباد ولسوالۍ کې هم راستېدونکو کډوالو ته ښارګوټی پرانیستی وو.