پوهنې وزارت خبر ورکوي چې په فراه ولایت کې د ۳ مېلیونه افغانیو په لګښت د یوې دیني مدرسې د ودانۍ چارې بشپړې شوې او ګټې اخيځته وسپارل شوه.
ياد وزارت زياتوي چې د فراه ولایت مرکز اړوند په ده یک کلي کې د بي بي ماریه (رضی الله عنها) مدرسې د ودانۍ چارې بشپړې او د یاد ولایت د پوهنې رئیس مولوي اختر محمد زعیم له لوري د پوهنې مسئولینو، علماءکرامو، استادانو او د خلکو د استازو په حضور کې پرانیستل شوه.
د وزارت د خبرپاڼې پر بنسټ د فراه د پوهنې رئيس له خلکو غوښتي، چې له ښوونیز نظام سره خپلو مادي او معنوي مرستو ته دوام ورکړي او خپل اولادونه د علم او پوهې ترلاسه کولو په موخه، مدارسو او ښوونځیو ته واستوي.
دا په داسې حال کې ده چې واک ته د اسلامي امارت له بيا رسېدو راوروسته پوهنيز بهير ته خاصه پاملرنه شوې او نږدې په ټولو ولايتونو کې سلګونه ښوونځي او ديني مدرسې رغول شوې دي.
