د کلیو بیارغونې او پراختیا وزارت وایي، د فراه ولایت د کلیو د بیارغونې او پراختیا ریاست له لوري د دغه ولایت د ګلستان ولسوالۍ په بېلابېلو کلیو کې د ۱۸۳ میلیونه افغانیو په لګښت د ۱۳۳ پراختیايي پروژو چارې پيل شوې.
د یاد وزارت په وینا، په دغو پروژو کې د عمومي او کلیوالي سړکونو، استنادي دېوالونو، پلچکونو او د یو کوچني بند جوړول شامل دي.
د ویلو ده، چې د یادو پروژو د کار په جریان کې به سلګونه تنه کاریګرو ته د کار زمینه برابره او په بشپړېدو سره به یې په اړوندو برخو کې د ګلستان ولسوالۍ د اوسېدونکو ستونزې هوارې شي.