د وسلهوالو ځواکونو لوی درستیز قاري فصیحالدین فطرت د ثور اتمې په مناسبت غونډه کې ویلي، هغه کسان چې د افغانستان د اشغال مفکوره په ذهن کې لري، باید پوه شي چې افغانان خپل ځان قربانوي، خو تر استعمار لاندې ژوند نه مني.
ښاغلي فطرت په خپلو خبرو کې ټینګار کړی چې، چې افغان ملت آزاد دی او د هیڅ راز زور او اشغال منلو ته چمتو نه دی.
نوموړي زیاته کړې چې، افغانان تل د اشغال او تیري پر وړاندې درېدلي او د خپلې ازادۍ او خپلواکۍ دفاع ته به دوام ورکړي.