د قزاقستان پلازمېنه استانه کې د افغانستان سفارت خبر ورکړی، چې دغه هېواد کې د افغان شارژدافير له لوري، د لومړي افغان پاسپورت په ورکولو سره رسماً د پاسپورتونو د وېش لړۍ پيل شوه.
سرچينې زياته کړې، چې له دې وروسته په قزاقستان کې مېشت ټول افغانان کولای شي، د اړتیا په مهال د پاسپورت ترلاسه کولو لپاره ياد سفارت ته مراجعه وکړي.
دا په داسې حال کې ده، چې تر دې وړاندې په يو شمېر نورو هېوادونو کې هم افغانانو ته د پاسپورت د وېش لړۍ پيل شوې ده.