د سوریې دولتي خبري اژانس، سانا راپور ورکړی، چې نن یکشنبه قسد ملېشو د شمالي سوریې د رقه ولایت په اړوندو کې د فرات پر سیند دوو پخوانیو پلونو ته چاودنه ورکړې.
د سوریې حکومت په یوه اعلامیه کې دا هم ویلي، چې د قسد او کردستان کارګر ګوند «YPG» ملېشو له طبقه ښار څخه د شاتګ پر مهال ګڼ شمېر زندانیان اعدام کړي هم دي.
د سوریې حکومت د بندیانو پر وړاندې د دغو ملېشو اقدام جنګي جنایت بللی او په کلکو ټکو یې غندلی دی.
سوریایي پوځ او قبایلي وسلهوالو په روانو عملیاتو کې د رقه ولایت په څنډه کې پر سټراتیژیک ښار «طبقه» او ځینو نورو مهمو سیمو کنټرول تر لاسه کړی او لا هم مخ پر وړاندې روان دي.