شپږمه برخه
د بغاوتکوونکو له لاسه وتلې پانګې
يو انسان د خپل عزت، ناموس او پت نه ارزښتمنه او لوړه پانګه نه لري، او د همدې قيمتي ګوهرونو د ساتلو لپاره تر مرګه ځي او له خپل هرڅه نه د خپل يو څيز لپاره تيريږي او قرباني ورکوي.
په ځانګړې توګه مسلمانان هيڅکله ځان نه بې عزته کوي او نه هم چا ته اجازه ورکوي چې د دوی په پاک لمن داغ ولګوي او د دوی د عزت او پت چت سورى کړي.
ځکه بې عزتي له مرګ څخه مخکې مرګ او له مړينې څخه مخکې مړ کيدل دي او دا چې يو سړی د اعدام تر تختې يوسي او ورو، ورو يې نفس قطع کړي، له دې نه ښه ده چې عزت او حيثيت يې په نښه کړي او د هغه د سترګو په وړاندې يې له منځه يوسي.
کله، کله دا حيثيت فردي وي او د شخص په محور کې وي او کله، کله لږ پراختيا مومي او د کورنۍ مرکز ته خپريږي او کله، کله اصلي موخه د فرد د ټولنيز اعتبار او باور له منځه وړل وي.
چا چې له دې اړخه ضربه خوړلې وي، هېڅکله بیا نه شي کولای سر پورته کړي. ښایي ژوندی پاتې شي او ساه واخلي، خو په اصل کې یې ژوند ختم شوی وي.
دا خبرې مې د دې لپاره وکړې چې دې ټکي ته ورسيږم چې د دې ناموسي او عزتي ستونزمن حالت سره، سره بيا هم داسې انسانان پيدا کېږي، چې له دې معنی تش وي او له دې مفهوم څخه ليرې وي؛ ښايي اصلاً د دغو ارزښتمنو معيارونو سره نسبي او تقريبي اشنايي ونه لري او له دغو اخلاقي، ټولنيزو او اسلامي مفاهيمو څخه د کلونو کلونو ليرې والي يا له دوی سره نه اشنايي، دوی د نورو د لاس آلې ګرځولي دي چې هيڅکله د دغو انساني معناوو جلال، جبروت، قدر او قيمت نه شي درک کولای او نه يې هضمولی شي ؛ د دوی لپاره به معنی هم ونه لري.
زما خبرې له باغيانو سره دي چې هيڅکله دې ښکلا ته نه ننوځي او د وطن د تخريب، ورانولو او ړنګولو لپاره یې په هڅه کې خپل عزت او حيثيت ليلام ته ایښی دی.
بار بار رسوايي او ذلت رامنځ ته کوي او هيڅکله په ټولنه کې د يوې بلې بې حيثيتۍ له رامنځ ته کولو نه ستړي کېږي او لاس نه اخلي.
نو په لنډه توګه، له باغيانو سره د مقابلې يوه لار د دغې ډلې د پست ژوند همدې برخې ته وده ورکول دي، تر څو نور ښه پوه شي چې دا هغه هيله بښونکي نه دي چې د نورو په فکر کې وي او د دوی له عزت او حيثيت څخه ساتنه او دفاع وکړي.
ځکه هغه څوک چې د خپل عزت په فکر کې نه وي يا له همدې خوا پيسې خوري، څنګه کولای شي د رهبرۍ معيارونه په ځان کې وويني او د نورو لپاره نمونه، بېلګه او ملي سمبول او رهبر شي او د اقتدار دعوه وکړي!؟
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.