د فلسطین روغتیا وزارت اعلان کړی، چې د تېرې یوې شپې او ورځې په اوږدو کې د اسرائیلي رژيم د بریدونو له امله په ټوله غزه کې لږ تر لږه ۷۳ فلسطینیان شهیدان شوي دي.
سرچينه زياتوي، چې د اسرائیلي پوځ د پرونیو بریدونو په پایله کې لسګونه نور کسان ټپیان شوي هم دي.
د راپور له مخې، د شهيد شویو له ډلې ۱۹ فلسطینیان هغه وخت په نښه شوي، چې د مرستو د ترلاسه کولو په لیکه کې ولاړ وو.
پر دې سربېره پرون ورځ لږ تر لږه پنځه کسان چې ماشومان هم پکې شامل دي، د لوږې له امله هم مړه شوي دي، چې په دې سره د جګړې له پیل راهیسې د لوږې له کبله د مړو ټول شمېر ۲۲۷ تنو ته رسېدلی دی.