له پېښو سره د مبارزې او چمتووالي ملي اداره وايي، د دې ادارې لوی رئیس ملا نورالدین ترابي، د یوه مجهز ټیم او اړتیا وړ موادو سره د کنړ ولایت هغه سیمې ته چې شدیده زلزله پکې شوې ده، په یوه هلیکوپټر کې روان شو.
د يادې ادارې رئيس او ټيم به یې د مرستو رسولو، همغږي کولو او نورو برخو کې د زلزلې له امله زيانمنو شويو خلکو ته خدمات ورسوي.
ياده دې وي، چې لا له وړاندې د ختيځ درې ولايتونو او مرکز څخه ګڼ شمېر مسولین زلزله ځپلو سيمو ته رسېدلي او هلته په کار بوخت دي.